DONOSTIA. Emakume etorkinek, bertan jaiotakoek bezala, tratu txarrak jasateko arriskua dutela, baina azken urteetako datuak ikusita, are babesgabeago daudela ohartarazi du Sos Arrazakeriak. Hartarako arrazoia ez dela kulturala adierazi du elkarteak, genero indarkeria mundu osoan badelako. Ordea, emakume etorkinek bizi duten egoerak erasoen aurrean babesik gabe uzten dituela salatu du.