Elkartez elkarte, Gipuzkoako gazteei talde horiekiko begikortasunaz galdetuta, zerrenda osatu du Aztikerrek. 45 talde ageri dira zerrendan, eta euskararen eta giza eskubideen aldekoak dira nagusi lehen zazpi postuetan: Ikastolak, SOS Arrazakeria, Tokiko kirol taldeak, Hiesaren aurkako taldeak, AEK, Amnesty International eta Euskal Herrian Euskaraz. Batetik hamarrera, zazpiko notatik gora lortu dute guztiek. Zerrendari atzealdetik begiratuz gero, alderdi politikoak eta sindikatuak dira nagusi. Puntuaziorik txarrena lortu dutenetatik abiatuta ageri dira, PP, Alternatiba, H1, EB, PSE-EE, EA, Elizak eta talde erlijiosoak, EAJ, UGT, CCOO, Aralar, Batasuna-ANV, Lokarri, ELA eta LAB. Bakar batek ere ez du gainditzen 4,5eko langa.