BILBO. Irlandatik zetorren kamioilari batek ibilgailuaren azpialdean ezkutatuta zegoen etorkin bat atzeman zuen atzo, Iurretan , A-8 errepideko ordainlekuan (Bizkaia). Dokumentaziorik ez zuen lagun horrek. Hipotermia sintomak zituela eta, ospitalera eraman zuten, eta gero Espainiako Poliziaren esku jarri zuen Ertzaintzak, Polizia horren eskumena baita immigrazioa.