Asilo Legearen proiektu «atzerakoia» onartu du Espainiako Ministroen Kontseiluak, iheslariei babesa gutxitzea eragingo duena Harresiak Apurtuzen, SOS Arrazakeriaren eta CEAR-Euskadi elkarteen ustez. «Atzerapen horren aurka» elkarretaratzea egin zuten, atzo, Bilboko Arriaga plazan. «Pertsona horiek beren herrietatik ihes egiten dute, zapalduak izateko beldurrez, arrazagatik, erlijioagatik, talde sozial bateko kide izateagatik edo iritzi politikoengatik».