Somaliako 52 etorkin hil dira gutxienez Adengo Golkoan, Yemengo kostaldera bidean. Jateko eta edatekorik gabe hemezortzi egun zeramatzaten itsasoan nora gabe, UNHCR Iheslarientzako Nazio Batuen Goi Mandatariak adierazi duenez.

Adengo Golkoan bizia galdu dutenak iragan irailaren 3an Somaliatik atera ondoren Yemenera ezin iritsi zebiltzan 124 etorkinen artean zeuden. Yemenera eramango zituzten trafikatzaileek 70 eta 100 dolar jaso zituzten etorkin bakoitzeko. Gero itsasoren erdian utzi zituzten elikagai eta urik gabe. Hildakoen artean hamar emakume daude.

Urtea hasi denetik 31.000 lagun hil dira Adengo Golkoan, eta 262 galduta daude.