Bizkaiko etorkin adingabeak. Bizkaia da seniderik gabeko etorkin adingabe gehien jasotzen duen lurraldea. Egun, 336 gazte daude Bizkaiko Diputazioaren hemeretzi zentroetan. Atzean ditu Gipuzkoa eta Araba; ez dago Nafarroari eta Ipar Euskal Herriari buruzko daturik.

Zein eragin izango du Europako zuzentarauak?

Adingabeen kontrako neurririk ere badu Europako Batasunak (EB) paperik gabeko etorkinen aurka onartu berri duen zuzentarauak. Besteak beste, EBra bakarrik heltzen diren adingabeak hemezortzi hilabetez atxilotzeko aukera ematen du, eta ez du debekatzen paperik gabeko adingabeak kanporatzea.