Ezin dira independentistak kriminalizatu, bizi – guztiko – demokrata batek ezin du horrelakorik onartu, nola ba!, baina independentistak terroristen zakuan sartzen badira, ezina ekinez lotzea lortzen da. Ezin dira emigranteak kriminalizatu, bizi – guztiko – demokrata batek nola ba horrelakorik!, baina emigrazioa eta delinkuentzia berdinduz gero, utikan etekinik gabeko etorkinak. Ezin da inozentzia kriminalizatu, bizi – guztiko – demokrata bati nola bururatuko zaio ba halako umekeriarik!, baina hamabi urtetik gorako guztiak gazte bihurtuta, libertatea zein eder ikasiko dugu gure liberaltasunaren kale – kantoietan erreformatorio bana ikusita.

Gero eta polarizazio sozial handiago baten traza guztiak ditu gure garaiak: gizartearen erdia gero eta egonkorragoa den bitartean, besteak gero eta zailtasun latzagoak ditu eroso sentitzeko.

Eta horra sistema, deserosoen zakua handitzen eta handitzen…