Geneva. Genevako Malagnou auzuneko Hekhal Haness sinagogan kalteak eragin zituen atzo goizaldean sute batek. Auzolagun batek alerta eman zuen 05:20 inguruan, eta suhiltzaileek garrak amatatu zituztenerako, ordu bat baino gehiago igaro zen. 1972. urtean ireki zen eraikina oso larri kaltetu zuten, bai garrek, bai hauek itotzeko baliatu zuten urak. Sutea zerk eragin duen ez zen oso argi atzo iluntzean. Hasiera batean, ekintza kriminala izan zela uste bazen ere, geroxeago zirkuitulabur baten ondorioa izan zitekeela esan zuten.