Errefuxiatuen Nazioarteko Egunaren karira, manifestazioa egin zuten atzo Ongi Etorri Errefuxiatuak, SOS Arrazakeria, Zehar Euskadi, Lumaltik eta Amnesty International erakundeek, Bilbon eta Gasteizen. Bilboko protesta Moiua plazatik abiatu zen; Gasteizkoa, berriz, Andre Maria Zuriaren plazatik. Errefuxiatuen aurkako jazarpena eta bazterketa instituzionala salatu zituzten elkarteek bi mobilizazioetan. Besteak beste, salatu zuten «jatorriaren arabera» sailkatzen dituztela errefuxiatuak, eta batzuei eskubideak urratzen dizkietela.