Bizilagunak ekimenaren zortzigarren edizioaren barnean, bazkari multikulturala egin da aste honetan Zarauzko Gaztelekuan, Zarautzen bizi diren hainbat familiak parte hartu zutelarik: Mexiko, Brasil, Txina, Nikaragua, Maroko edo Frantziatik etorriak, Asturias eta Euskal Herriko familiekin batera bazkaldu zuten.

Iratxe Zorrozua, Inmigrazio zinegotziak azaldu zuenez, «Bizilagunak programak, jatorri eta kultura ezberdinetako familien arteko erlazioak bultzatzen saiatzen da urtero, beste herrialdeenganako dauden estereotipoak apurtzeko helburuarekin».

Zarauzko Gaztelekuan mahaia jarri eta 16 familiek beraien ohiturak eta esperientziak partekatu zituzten, patata tortilla, haragi – bolak, kuskusa, barazkiak eta sagar pastelak dastatzen zituzten bitartean.

Horrela, hurrengo bilera X. Gipuzkoa Gala Solidarioan izango da, datorren azaroak 30, igandean, eta Oronako Auditorioan egingo da.