MADRIL. Espainiako salbamendu taldeek zazpi migratzaile hilik topatu zituzten atzo Kanarietako Lanzarote uharteko kostatik gertu. Iturri horren arabera, Marokotik atera ziren ontzi puzgarri batean —130 kilometrora—; bost hilik topatu zituzten ontziaren barnean, eta beste bi uretan hil ziren itota. Beste hogei lagun bizirik topatu zituzten, hipotermiak jota horietako asko.