WASHINGTON. «Zuzenbide estatu bat eta etorkinen herrialde bat garenez, gure balioak erakutsiko dituen immigrazio sistema bat behar dugu». Hala adierazi zuen atzo Barack Obama Ameriketako Estatu Batuetako presidenteak. Unibertsitate Amerikarreko Diplomazia Fakultatean, berrehundik gora entzuleren aurrean emandako diskurtsoan, immigrazio erreformaren alde egin zuen presidente estatubatuarrak.