Kaleko musika saltzaileek egile eskubideengatik ordaindu beharreko kalte-ordain eta isunei uko egiteko eskatu zieten atzo Mbolo Moy Doolek eta SOS Arrazakeriak eskubideok kudeatzen dituzten elkarteei Bilbon; giza eskubideen aldeko 90 talde baino gehiagok sinatutako gutuna eman zieten. Kalte-ordainak 500 eta 3.000 euro artekoak dira, eta ondoren isuna ordaindu behar dute. Baliabiderik ez dutenez, saltzaileak espetxeratzeko edo kanporatzeko mehatxupean daude.