Donostia. Casares Tomasene eta Altzako kultur etxearen hil honetako gaia Emakumea eta Islama izango da eta, ondorioz, horren inguruko mintzaldiak eta proiekzioak antolatuko dituzte datozen egunetan.

Lehenengo hitzordua hilaren 11an izango da 19.30ean Darieta bidean kokatzen den kultur gunean. Bertan, iazko udan Iran zeharkatu zuen neska talde batek hitzaldia eskainiko du Iran pil-pilean…eta gu saltsan izenburupean. Han ikusi eta bizitakoak kontatuko dituzte jendeaurrean, Islamean bizi diren emakumeengan harreta berezia eskainiz. Solasaldirako irudiekin osatutako diaporama baten laguntza izango dute, gaineras.

Gai berarekin jarraituz, sei egun beranduago, Orio produkzioaken Fatimetu filma ikusi ahal izango da leku eta ordu berdinean. Elkarbizi-Berpiztu elkarteak eta Donostia Kulturak antolatutako hitzordu honetan, gizon saharar batekin maitemindu eta desertu lehorrera bizitzera joan zen Gurutzeren (Sahararrentzat Fatimetu) istorioa ezagutaraziko dute.

Gainerakoak Emakumea eta Islama gaiaren inguruan prestatutako ekitaldiez gain, datozen asteetan beste hainbat hitzordu izango dira Altzan. Lehenbizikoa bihar bertan izango da Tomasenen umeentzako Kilimak eta ipuinak saioa izango baita 17.30ean. Ostegunean, Hasiera txikiko ipuin eztiak kontuaren txanda izango da 18.00etan eta larunbatean, azkenik, Kika Supersorgiña antzezlan komikoa aurkeztuko dute. Ekitaldia 18.00etan izango da Larratxo pasealekuko Altza kultur etxean eta sarrera 2,5 eurokoa izango da.