Eusko Jaurlaritzak adierazi du lan egingo duela etorkinek eskubide berak izateko
Berria, , 17-06-2009Eusko Jaurlaritzako Immigrazio zuzendari Miguel Angel Gonzalezek esan du Ikuspegik bildutako datuak lagungarri izango zaizkiela immigrazio politika egiteko. Gustura agertu da Arabako, Bizkaiko eta Gipuzkoako herritarrek ez dituztelako etorkinak arazotzat hartzen, «nahiz eta krisi garaia aitzakiatzat erabil daitekeen gizarte talde batzuen aurka egiteko». Hala ere, kezka azaldu du, aurtengo datuetan ageri den «mehartzea» dela eta. Horren adibide jo ditu, esaterako, etorkinek gizarte zerbitzuez egiten duten erabileraren inguruko iritziak. Krisi ekonomikoak zerikusia izan dezakeela adierazi du Immigrazio zuzendariak.
Uste oker horiek guztiak eraisteko lan egingo duela ziurtatu du Gonzalezek. «Eusko Jaurlaritzak konpromisoa dauka pertsona guztiei eskubide eta betebehar berberak ezartzeko».
(Puede haber caducado)