Arabako Foru Aldundiak erabaki du 30.000 euro bideratzea Ulises sindromearen aurka. Etorkinek izan ohi dute sindrome hori. Herrialde arrotzean errotzeak dakartzan zailtasunen ondorioz, bakardadea, ezintasuna eta etsipena sentitzen dituzte maiz etorkinek, eta horren kontrako programa bat eramango du aurrera Prestaturik elkarteak. Hitzaldiak eta etorkinei propio bultzatutako ekimenak egingo dituzte.